Aqueous Cream 豬油膏

　　

      醫生最鍾意處方一隻被俗稱為豬油膏的Aqueous Cream BP的冷霜， 尤其是政府醫院。醫生都會教你在沖涼或者沖涼後查相呢隻cream，它有保濕嘅功效，亦都可以舒緩乾燥同濕疹皮膚。

　　

他們說這種豬油膏的特性是性質溫和適合敏感皮膚使用，沒有酒精和化學物成份，即使皮膚極度敏感的人也適合使用。

　　

　　我自己以前也有使用過這種豬油膏，但是發現用在濕疹皮膚上是非常刺痛而且亦會令濕疹皮膚惡化，有如一種毒藥一樣。當我查在皮膚上，皮膚猶豫被一層很厚很厚的東西覆蓋着，令到皮膚透不過氣，明顯感覺到在傷害皮膚，而且會有刺痛的感覺，不用一會立即再次洗澡把身上的Aqueous Cream沖走，可能這種豬油膏在皮膚相對健康的時候使用才能發揮作用。我自己就十分唔適合使用。

　其實有很多研究報告，發現Aqueous Cream BP的冷霜是對濕疹沒有幫助而且也會引致濕疹更加惡化。

研究：冷霜會令皮膚病惡化 (明報) 
2010年10月20日 星期三

英國一項新研究顯示，一種俗稱「冷霜」的產品常被用作護膚品滋潤皮膚，但其實會使濕疹等皮膚病情惡化。

這種英文名為Aqueous Cream BP的冷霜產品，不少醫生都會建議用它來治療濕疹等皮膚病。

但英國巴斯大學的研究說，這種冷霜產品中，有一種名為「十二烷基硫酸鈉」（sodium lauryl sulphate）的化學物質，它會損害皮膚的角質層，令皮膚病情惡化。

該校研究人員請志願者每天在手臂上使用這種產品，4周後，志願者手臂皮膚角質層的厚度，減少超過10%。

相關的研究報告發表在《英國皮膚病學》雜誌上。

據了解，冷霜本來是洗潔劑，是肥皂等的替代用品，但近來被廣泛用作護膚品，被認為有滋潤皮膚和保濕等效果。還有不少醫生建議用它治療濕疹等皮膚病，塗抹在乾燥開裂的皮膚患處。

參與研究的理查德•蓋（Richard Guy）說，冷霜會損害角質層，而角質層是皮膚的保護層，它可以阻止各種化學物質從皮膚進入身體。如果長期使用冷霜,會使角質層變薄,外界化學物質會容易侵入並引起發炎
。

對皮膚病患者來說，患處皮膚本來就有問題，如果再使用冷霜，則病情將更加惡化。英國國家濕疹學會早已建議不使用含有「十二烷基硫酸鈉」的物質，來治療濕疹等皮膚病，但由於冷霜類產品較便宜，以及許多醫生過去形成的使用習慣，它仍在被錯誤地廣泛使用。

新華社 英國廣播公司

我自己的濕疹

我自己還有濕疹10年以上，回想起到底是什麼誘發我的濕疹？我記得係我青春期的時候，大約在求學時期中三至中五的時候，面上開始生青春痘，當時，自己嘗試過買好多藥膏去查暗大約在求學時期中三至中五的時候，面上開始生青春痘，當時，自己嘗試過買好多藥膏去查暗瘡，當一粒暗瘡差唔多好嘅時候，面部的零一邊有開始長出一粒新的青春痘。

　　到後期的時候，無可奈何去睇醫生，當時醫生開咗抗生素藥比我食，我記得我大約食咗三個月至半年的時間，啲暗瘡終於平復左落嚟，但係食到個人皮膚好乾燥。

　　跟住就開始準備會考高考，我記得我對呢兩科考試其實唔算太大壓力，因為我本身唔係一個讀書好叻嘅人，當然出嚟嘅成績亦都好一般。但係我記得當時係濕疹發作嘅時候，我只係當時經常溫書背書，你話係咪壓力引起？　

我反而覺得係因為食抗生素食壞左身體。起初嘅時候濕疹係好少，主要範圍在面部，跟住好理所當然去睇西醫，西醫就開咗一啲類固醇比我查，佢話薄薄地一層查唔好查太厚，因為搽類固醇會令皮膚變薄。果然查完類固醇即時見效，一兩日後皮膚變得光滑無比。但係兩三天後濕疹再復發，跟住再查類固醇，皮膚再好返。跟住不斷循環以上動作，濕疹皮膚並沒有改善，而且範圍越來越大，不單止面部，頸部開始有，而且上身背部亦都開始出現濕疹。

　　跟住嘗試睇皮膚專科，佢亦都係會開類固醇，抗組織安藥物，和Aqueous Cream。當然，皮膚亦都係冇改善，濕疹都不斷復發，只要不是查類固醇藥膏，濕疹繼續復發。

　　如果大家睇醫生睇得多，大家會發現自己都會識得做醫生，因為病人一坐下，醫生就會問你有什麼不舒服，你自己告訴醫生：我睇發燒、睇濕疹、睇肚痛、想睇暗瘡，醫生就會根據你嘅病症而開藥給你，他們只是會使用3分鐘的時間去看一個症，講的說話全部千篇一律，根本無助病人醫治。

　　我記得我濕疹最嚴重的時候，皮膚出水，成個人腫晒，身體發熱，不斷想用風扇、冷氣機吹向自己，幫肋降溫。每一晚很害怕睡覺，因為隻手會不自覺把皮膚找到破損，早上只是用清水洗面也拿到很痛很痛。

　　跟住嘗試去睇中醫，當然一般鍾意自吹自擂，話自己幾勁幾勁，食完呢幾次野一定冇事。點知廢到仆街。即使我去睇一啲好出名嘅鍾意，邊個邊個朋友個姨媽姑姐阿叔表妹三姑六婆去嗰度都睇得好，你不如都去試吓啦。點知都係廢嘅。

　　不過我真係遇到一個中醫師， 我認為佢係有料到的，我睇過幾次，佢用藥好奇怪，同一般中醫好唔同，佢可以用某一種藥材用好大劑量，我嘗試攞佢的藥‵藥單出去執中藥，執藥個靚仔都會問你張藥單有冇錯？咁大劑啦我都係第一次見。

　　我去睇佢嘅時候，佢真係會望聞問切，問你平時生活習慣，好仔細睇你嘅病況，我記得我第一次去睇佢嘅時候用咗半個鐘問症。係我睇甘多醫生當中，最有醫德一位，而且我睇佢的專欄發現佢係一個比較接受新事物的中醫師，他會接受自然療法。

　　我問佢：其實濕疹使唔使戒口，我記得佢大約咁同我講，你最好聆聽下自己的身體，如果你食咗芒果發現唔舒服咁你咪唔好食囉，如果你發現冇事咁咪食囉。佢呢種想法比較接近西醫，因為西醫話你食左嗰樣嘢會敏感嘅咁就唔適合你啦。

　　跟住我記得頭果幾次食佢啲藥都有好轉，之後發覺好似都係冇乜用，而且上網搵過好多資料，都見到好多外國人的濕疹都好返。我就想，外國人都沒有中醫，都好得翻，咁我唔去睇啦，反正好似冇乜效果。

　　我係因為睇咗好多外國網站，發現想醫好濕疹最緊要係戒斷類固醇，因為我哋患上類固醇上癮。而係戒類固醇嘅過程中是10分痛苦，因為當你唔使用類固醇的時候濕疹會不斷復法，而且比以往更嚴重，呢個自己需要有心理準備，要睇好多資料加上有十足嘅信心先好進行。但係亦唔需要擔心，因為清淡的飲食是有助濕疹康復，和幫你喺呢個時間渡過，但係最緊要唔好再使用類固醇。我自己斷左類固醇大約一年有多，而家濕疹嘅皮膚比以往好好多，但是完全未好返，現在的皮膚狀況是10分乾燥而且仍然有脫皮的情況，但是少了身體不斷發炎、出水的情況，只是很乾燥很乾燥。我相信只要有足夠的時間，我的皮膚相信總有一日會好。

濕疹成因

相信好多還有濕疹嘅朋友都睇過醫生，不論中醫西醫或者喺網上查過好多資料，嘗試搵出濕疹嘅病因，但係通常搵到嘅答案都係：

天氣：醫生都會話係秋天冬天或者轉季嘅時候，大部份人嘅濕疹特別嚴重。因為天氣特別乾燥而且適應唔到天氣嘅轉變。（鬼唔知啊媽係女人）

中醫：中醫通常都會叫你戒口包括：牛、羊、鵝、鴨、雞蛋、海鮮。幾萬樣野。係幾萬樣野，最搞笑係佢哋從來都冇對症下藥，因為你就算睇其他病佢都係叫你戒口唔好食呢啲。我曾經試過比個中醫叫戒食生果，因為生果食得多會濕熱。

如果你曾經睇過中醫你都知，佢一定話你濕毒，濕氣重，要飲多啲去濕嘅嘢。睇到連我阿媽都識得講你濕氣重呀。發燒，你都係濕氣重呀。

西醫：基本上冇戒口嘅概念，佢哋只會話你對某種食物或者藥物敏感，如果食左有敏感情況以後就唔好食啦。佢地都會認為係免疫系統失調，由情緒同壓力而引起濕疹，亦都可能有遺傳性。而佢哋唔認為濕疹係一種皮膚病，因為係佢哋角度呢個係一個免疫系統過度反應。病發嘅時候：主要係受外界環境誘因，例如：天氣轉變、壓力、情緒、環境改變等等而刺激免疫系統所致。（基本上又係講曬，無病因）

當白血球和不同種類的免疫蛋白對外界刺激產生過度反應，並表現於皮膚上，便會出現皮膚紅、腫、痕癢甚至滲出分泌物等濕疹症狀。

自然療法：係自然療法裏面佢哋通常講話你身體毒素太多，即使你有其他慢性疾病佢哋都一樣可以話你身體毒素太多。濕疹只係一個症狀，就係嗰啲毒素透過皮膚而展現出來。如果你有大腸癌，大腸癌亦是一個症狀，只係啲毒素去咗大腸度。（我反而自己比較傾向相信呢個講法）

到最尾翻查過好多資料，我發覺濕疹或者其他好多慢性疾病都係搵唔到原因嘅，又或者可以咁講，呢啲慢性都係因為你平時嘅飲食、作息、壓力、體質，種種因素加起上嚟嘅一個結果。正如好多人食煙飲酒去到80幾歲都冇事，但係有啲人30幾歲已經生cancer，以現今醫學係拉唔到原因嘅。

大學畢業女生，長期飽受濕疹折騰，感到生不如死

屯門揭發「女弒父母」復自殺三屍倫常慘劇。一名剛大學畢業女生，長期飽受濕疹折騰，感到生不如死，竟萌生與父母攬住死念頭，疑在「父親節」在屯門寓所內，涉嫌以「穿心刀」弒殺父母後，她復以自製毒氣袋笠頭自盡。直至今日(18日)下午親友登門探望，始揭慘案，警方檢獲兇刀及女兒的遺書，內容說出其弒雙親同死悲情動機。警方不排除兇手事前曾落藥，令雙親昏睡後施毒手，案件列為謀殺及自殺。而夫婦長女現身處內地，雖然逃過此劫，卻要承受家破人亡打擊。

三名死者分別為姓彭（60歲）男戶主、其姓李（56歲）妻子及23歲女兒。夫婦另有長女，一家四口同住龍門路新屯門中心四座一單位。據悉，彭生前任職電訊行業，早前已退休；李為家庭主婦；彭女剛從本港一間大學畢業。上址單位是彭夫婦，於1990年斥資72萬元聯名購置，面積600呎，設有三房兩廳。

消息指，彭家早前與親戚約定，於周日（17日）晚膳慶祝父親節。豈料，上周末晚，有人通知親戚稱:「我哋有事需要處理唔嚟得。」全家臨時「甩底」，卻又無透露具體原因，其後更失去聯絡。親友擔心他們發生問題，遂着姨甥前往探望。今日(18日)下午3時許，姨甥與親友抵達彭家門外，但按鈴及拍門均不獲回應，由於姨甥持有上址鎖匙，曾嘗試開門，又發現大門反鎖，心感可疑報警求助。

據悉，警方及消防員接報到場，利用工具破門入屋，只見單位門窗緊閉、冷氣機開著，警員在屋內細心查看時，赫然發現三人倒斃三間睡房內。消息指出，彭倒卧在長女睡房地上，左胸有兩個刀傷血洞，滿身鮮血，李婦躺在床上被棉被捲住，刀傷纍纍，包括左胸、右腰及左腿等；至於女兒在其房內，當時坐地倚着房門，她頭部笠着密封膠袋，並以膠管接駁著氦氣樽，救護員證實三人已死去一段時間。警方大為緊張封鎖現場調查，期間，在廚房發現一把染血利刀，並檢獲女兒一封遺書，大致內容透露因長期飽受濕疹折磨，生不如死。

其後，大批重案組探員到場接手調查，翻看大廈「天眼」錄影，以了解涉案家庭成員的行蹤。初步調查後，不排除有人以利刀將父母刺斃，再自製毒氣袋自殺。消息指，不排除夫婦曾被人落藥，在昏睡後遭毒手，因此將會進行毒理化驗，以及剖驗死因。案發後警方已聯絡事主長女，她驚聞家破人亡慘變，正趕返港處理。屯門警區重案組負責調查該案，昨晚表示該個家庭並無家暴記錄，亦無成員有情緒病。

BY 明報
http://hk.on.cc/hk/bkn/cnt/news/20180618/bkn-20180618163446776-0618_00822_001.html